20 میٹر گہرا اور 13 میٹر چوڑا عجیب و غریب گڑھا

سعودی عرب کے شمالی علاقے ضلع العويقيلہ کے جنوب میں ’خسف كفيتان‘ ایک خطرناک اور مشہور قدرتی گڑھا موجود ہے جو نہ صرف محققین کی دلچسپی کا باعث بنا ہے بلکہ اس کے گرد متعدد داستانیں اور دیومالائی کہانیاں بھی جنم لے چکی ہیں۔

سبق ویب سائٹ کے مطابق خسف کفیتان نامی گہرے گھڑھے کو یمن کے حضرموت میں واقع مشہور ’برہوت‘ نامی کنویں سے تشبیہ دی گئی ہے۔

شمالی حدود کے علاقے کی تاریخ پر تحقیق کرنے والے محقق زاہي الخليوی نے ایم بی سی ٹی وی چینل کے پروگرام میں بتایا ہے کہ خسف كفيتان گڑھا شمالی سعودی عرب کے سب سے بڑے اور اہم گہرے گڑھوں میں شمار ہوتا ہے۔

اس کی گہرائی 20 میٹر اور قطر 13 میٹر ہے۔

انہوں نے بتایا ہے کہ ’اس کی گہرائی اور وسعت کے لحاظ سے صرف یمن کا ’برہوت کنواں‘ ہی اس کا ہم پلہ ہو سکتا ہے‘۔

الخليوی نے مزید وضاحت کی کہ یہ گڑھا دراصل بارش کے باعث مٹی کے کٹاؤ اور دھنسنے کے نتیجے میں وجود میں آیا ہے۔

اس مقام کی خطرناکی کے بارے میں انہوں نے بتایا کہ ’یہ گڑھا ایک ہموار میدان میں واقع ہے جس کے قریب سے گاڑیوں کا راستہ ہے اور تفریح کے لیے آنے والے افراد بھی یہاں کا رخ کرتے ہیں‘۔

’ماضی میں یہاں اونٹوں اور گاڑیوں کے گرنے کے واقعات بھی پیش آ چکے ہیں‘۔

’اسی خطرے کے پیش نظر متعلقہ حکام نے حال ہی میں حفاظتی اقدامات کے تحت اس کے گرد مٹی کا حفاظتی باڑ لگا دیا ہے مگر خطرہ اب بھی باقی ہے خصوصاً چونکہ گڑھے کا دہانہ زمین کی سطح کے برابر ہے، اس لیے اس کے قریب آنے والا شخص پھسل کر گر سکتا ہے‘۔

اگرچہ اس مقام کے بارے میں لوگوں نے بہت سی کہانیاں گھڑ رکھی ہیں، جیسے کہ یہ جنات کی قیام گاہ ہے یا کسی قدیم شہابِ ثاقب کا اثر ہے لیکن منفرد اور فطری جیولوجیکل گڑھا ہے جو مزید تحقیق کا مستحق ہے‘۔