جی سی سی اور جاپان کے درمیان آزاد تجارتی مذاکرات کا دوسرا دور مکمل

خلیج تعاون کونسل( جی سی سی) اور جاپان کے درمیان آزاد تجارتی مذاکرات کا دوسرا دور ٹوکیو میں مکمل ہوگیا سعودی وفد کی سربراہی فارن ٹریڈ اتھارٹی کے ڈپٹی گورنر فرید العسلی نے کی۔

ایس پی اے کے مطابق 30 جون سے 4 جولائی تک جاری رہنے والے مذاکرات کے دوسرے دور میں کئی اہم امور پر تبادلہ خیال کیا گیا۔

ان میں اشیا کی تجارت اور خدمات، فنانشل سروسز، تجارت میں تیکنیکی رکاوٹیں،سرمایہ کاری، کسٹم طریقہ کار، ٹیلی کمیونیکیشن اور تجارتی سہولت سمیت دیگر امور شامل ہیں۔

فریقین نے سفارتی ذرائع نے مذاکرات کے تیسرے دور کی تاریخیں طے کرنے پر بھی اتفاق کیا ہے۔

سعودی وفد کے سربراہ فرید العسلی نے کہا کہ’ دوسرے دور میں سٹریٹجک اہیمت کے امور پر بات چیت کی گئی اور حتمی معاہدے کی خواہش کا اظہار کیا گیا۔‘

یاد رہے آزاد تجارتی معاہدے کے لیے مذاکرات کا پہلا دور گزشتہ برس دسبمر میں ریاض میں ہوا تھا۔

 جاپان اور جی سی سی کے تعلقات سٹراٹیجک اور اہم ہیں۔ ہر شعبے کا احاطہ کیے ہوئے ہیں۔

 جاپان 76.7 ارب ڈالر کی مالیت سے خلیجی ممالک کی برآمدات کا چوتھا بڑا پارٹنر ہے۔ جبکہ خلیجی ممالک کی درآمدات کا حجم 22 ارب ڈالر کا ہے۔