اسرائیل کے انخلا کے منصوبوں وجہ سے جنگ مذاکرات روکے گئے، فلسطینی ذرائع

اسرائیل اور حماس کے درمیان جنگ بندی کے لیے بالواسطہ طور پر دوحہ میں ہونے والے مذاکرات تعطل کا شکار ہو گئے ہیں۔

فرانسیسی خبر رساں ادارے اے ایف پی کے مطابق ان مذاکرات سے متعلق معلومات رکھنے والے دو فلسطینی ذرائع نے سنیچر کو کہا کہ اسرائیل کی جانب سے فلسطینی سرزمین میں فوجی رکھنے کے تجویز کی وجہ سے بات چیت میں تعطل آیا ہے۔

ایک ذریعے نے کہا ہے کہ ’دوحہ میں ہونے والے مذاکرات میں جمعے کو رکاوٹ اور پیچیدگی پیدا ہو گئی۔ اس کی وجہ اسرائیل کا انخلا کا نقشہ پیش کرنے پر اصرار ہے جو صحیح معنوں میں انخلا کی بجائے اسرائیلی فوج کی دوبارہ تعینانی اور ان کے مقامات بدلنے کا نقشہ ہے۔‘

دوسرے فلسطینی ذریعے نے الزام عائد کیا کہ وہ ’وہ نسل کشی پر مبنی جنگ جاری رکھنے کے لیے معاہدے میں رکاوٹ ڈال رہا ہے۔‘