سعودی عرب کے شہریوں اور رہائشیوں نے ایک ہفتے میں 13 ارب ریال خرچ کیے

سعودی عرب کے شہریوں اور رہائشیوں نے گزشتہ ایک ہفتے کے دوران 13 ارب ریال خرچ کیے۔ اس ہفتے سب سے زیادہ اخراجات ریاض کے شہریوں نے کیے۔

سعودی خبررساں ادارے ’ایس پی اے‘ کے مطابق سعودی سینٹرل بینک ’ساما‘ نے رپورٹ میں بتایا ہے 6 سے 12 جولائی 2025 کے دوران مملکت بھر میں 13 ارب 12 کروڑ 82 لاکھ 22 ہزار ریال خرچ کیے گئے۔

 کپڑوں اور جوتوں کی خریداری پر 82 کروڑ 71 لاکھ 44 ہزار ریال خرچ کیے گئے۔ تعلیم پر 10 کروڑ 22 لاکھ 18 ہزار ریال اور تعمیراتی سامان کی خریداری پر 33 کروڑ 8 لاکھ 34 ہزار ریال کے اخراجات ہوئے۔

الیکٹرانک اشیا کی خریداری پر 16 کروڑ 77 لاکھ 7 ہزار ریال، گیس سٹیشن پر 94 کروڑ 89 لاکھ 92 ہزار ریال، صحت پر 80 کروڑ 50 لاکھ 92 ہزار ریال اور فرنیچر پر 27 کروڑ 57 لاکھ ایک ہزار ریال خرچ ہوئے۔

 ہوٹلنگ پر 28 کروڑ 15 لاکھ 66 ہزار ریال، زیورات کی خریداری پر 30 کروڑ 54 لاکھ 94 ہزار ریال، مختلف اشیاء و خدمات کے لین دین پر  ایک ارب 51 کروڑ 15 لاکھ 67 ہزار ریال اور تفریح اور ثقافت پر 25 کروڑ 98 لاکھ 85 ہزار ریال خرچ کیے گئے۔

ریستوران اور کیفے پر ایک ارب 92 کروڑ 9 لاکھ ایک ہزار ریال، کھانے اور مشروبات پر ایک ارب 84 کروڑ 87 لاکھ 95 ہزار ریال، ٹیلی کمیونیکیشن پر 11 کروڑ 76 لاکھ 30 ہزار ریال، ٹرانسپورٹ پر 72 کروڑ 23 لاکھ 60 ہزار ریال اور دیگر پر 2 ارب 65 کروڑ 39 لاکھ 4 ہزار ریال کے اخراجات ہوئے۔

 ریاض کے شہریوں اور رہائشیوں نے گزشتہ ایک ہفتے کے دوران 4 ارب 47 کروڑ 10 لاکھ 19 ہزار ریال خرچ کیے۔ جدہ میں ایک ارب 89 کروڑ39 لاکھ 20 ہزار ریال جبکہ دمام میں 62 کروڑ 61 لاکھ 32 ہزار ریال کے اخراجات کیے گئے۔

مکہ مکرمہ میں 53 کروڑ 7 لاکھ 18 ہزار ریال، مدینہ منورہ میں 51 کروڑ 54 لاکھ 83 ہزار ریال،الخبر میں 35 کروڑ 80 لاکھ، بریدہ میں 31 کروڑ ریال، تبوک میں 23 کروڑ، حائل میں 21 کروڑ، ابھا میں 20 کروڑ جبکہ دیگر شہروں کے اخراجات 3 ارب 75 کروڑ 81 لاکھ 80 ہزار ریال رہے۔