مدینہ منورہ ’صحت مند شہر‘ قرار، عالمی ادارہ صحت نے منظوری دے دی
مدینہ منورہ ’صحت مند شہر‘ قرار، عالمی ادارہ صحت نے منظوری دے دی
جمعہ 1 اگست 2025 18:16
گورنر مدینہ نے عالمی ادررہ صحت کا ایکریڈشن سرٹیفکیٹ وصول کیا۔( فوٹو: ایس پی اے)
عالمی ادارہ صحت (ڈبلیو ایچ او) نے مدینہ کو ’صحت مند شہر‘ کے طور پر تسلیم کرنے کی منظوری دی ہے۔ اسلام کے دوسرے مقدس ترین مقام نے 80 پوائنٹس حاصل کیے ہیں۔
ایس پی اے کے مطابق مدینہ ریجن کے گورنر شہزادہ سلمان بن سلطان نے ایک تقریب کے دوران وزیرِ صحت فہد الجلاجل سے عالمی ادررہ صحت کا ایکریڈشن سرٹیفکیٹ وصول کیا۔
مدینہ منورہ نے منظوری کےلیے 80 پوائنٹس حاصل کیے ہیں۔ (فوٹو: ایس پی اے)
گورنر مدینہ شہزادہ سلمان بن سلطان نے کہا کہ ’یہ منظوری شہری مراکز میں مملکت کے لوگوں کے معیارِ زندگی بڑھانےکے لیے قیادت کی لگن کی مثال ہے۔‘
انہوں نے مملکت کے وژن 2030 کے اہداف کے مطابق علاقائی اور بین الاقوامی سطح پر ایک اہم ڈیولپمنٹ ماڈل کے طور پر مدینہ کی جاری تبدیلی پر زور دیا۔
جدہ کے بعد مدینہ منورہ نے مشرق وسطی کے دوسرے سب سے بڑے صحت مند شرہ کے طور پر اپنی پوزیشن مستحکم کی ہے۔
14 دیگر صحت مند شہروں کو بھی تسلیم کیا گیا ہے (فوٹو: ایس پی اے)
عالمی ادارہ صحت کی منظوری کے لیے کسی شہر کو 80 معیارات پر پورا اترنا ہو گا ۔ ان میں پارکس، واکنگ ایریاز اور پرائمری کیئر سینٹرز اور سکولوں کے ذریعے صحت کو فروغ دیناشامل ہے۔
عالمی ادارہ صحت نے سعودی عرب کے 14 دیگر صحت مند شہروں کو بھی تسلیم کیا ہے۔
لیڈرز مینا میگزین کے مطابق ان میں طائف، تبوک، الدرعیہ، عنیزہ، جلاجل، المندق، الجموم، ریاض، الخبر اور شرورہ شامل ہیں۔
