سعودی وزیر داخلہ نے انٹرپول ہیڈ کوارٹر کا دورہ کیا، اعلی ترین میڈل سے نوازا گیا
سعودی وزیر داخلہ نے انٹرپول ہیڈ کوارٹر کا دورہ کیا، اعلی ترین میڈل سے نوازا گیا
جمعہ 1 اگست 2025 19:49
نٹرپول کے صدر میجرجنرل ڈاکٹر احمد ناصر الرئیسی نے ان کا خیرمقدم کیا (فوٹو: ایس پی اے)
سعودی وزیر داخلہ شہزادہ عبدالعزیز بن سعود بن نایف نے فرانس کے شہر لیون میں انٹرپول کے ہیڈ کوارٹر کا دورہ کیا، انٹرپول کے صدر میجرجنرل ڈاکٹر احمد ناصر الرئیسی نے ان کا خیرمقدم کیا۔
ایس پی اے کے مطابق سعودی وزیر داخلہ کو مملکت کے تعاون اور جرائم سے نمٹنے کے حوالے سےعالمی تنظیم کی کوششوں میں تعاون کے اعتراف میں اعلی ترین ’انٹرپول میڈل‘ دیا گیا۔
سرحد پار جرائم سے نمنٹے اور دیگر امور پر تبادلہ خیال کیا گیا۔(فوٹو: ایس پی اے)
سعودی وزارت داخلہ اور انٹرپول کے درمیان سرحد پار جرائم سے نمنٹے اور سکیورٹی چیلنجز کا مقابلہ کرنے کے شعبے میں شراکت داری بڑھانے اور دیگر امور پر تبادلہ خیال کیا گیا۔
دورے کے دوران سعودی وزیر داخلہ نے انٹرپول کے لیے مملکت کی جاری سپورٹ اور انٹرنیشنل کرائمز سے نمٹنے کےلیے بین الاقوامی تعاون کو مضبوط بنانے کی کوششوں پر زور دیا۔
انٹرپول کے موجودہ صدر کا تعلق متحدہ عرب امارات سے ہے (فوٹو: ایس پی اے)
انہوں نے بین الاقوامی سکیورٹی کوششوں کی سپورٹ اور دنیا بھر میں سکیورٹی ایجنسیوں کے درمیان تعاون کو بڑھانے میں انٹرپول کے کردار کی بھی تعریف کی۔
یاد رہے انٹرپول کے موجودہ صدر کا تعلق متحدہ عرب امارات سے ہے۔ ڈاکٹر احمد ناصر الرئیسی کو نومبر 2021 میں استنبول میں 89 ویں جنرل اسمبلی کے دوران منتخب کیا گیا تھا، ان کی مدت اس سال ختم ہورہی ہے۔
