’ترحال‘ سعودی ثقافت کی بھرپور جھلک کے ساتھ دوبارہ درعیہ میں

سعودی عرب کی ثقافت کے جشن کا انعقاد درعیہ میں جاری ہے جس میں’ترحال‘ کو پیش کیا جا رہا ہے۔

سعودی پریس ایجنسی ایس پی اے کے مطابق یہ تقریب میادین میں منعقد کی جا رہی ہے جو 25 اگست تک جاری رہے گی۔

وزارتِ ثقافت نے اس میں لائیو پرفارمنس، فلمی مناظر اور روایتی کہانیاں ملا کر سعودی عرب کی ترقی کی کہانی دکھائی ہے۔

’ترحال‘سعد کی کہانی ہے، ایک سعودی نوجوان جو اپنی جڑوں اور مستقبل کی تلاش میں ملک کے مختلف علاقوں کا سفر کرتا ہے۔

اس کا ذاتی سفر قوم کی وسیع تبدیلی کی علامتی عکاسی بنتا ہے، جو ورثے پر مبنی، خواہشات سے چلنے والا اور گزشتہ نسلوں سے متاثر ہے۔

اس پرفارمنس میں سعودی عرب کے مناظر کو جدید سٹیج ٹیکنالوجی کے ساتھ خوبصورت انداز میں  پیش کیا گیا ہے۔

ناظرین کو شاندار اکروبیٹکس، لائیوموسیقی، گھڑسواری کی پرفارمنسز اور ثقافتی مظاہرے دیکھنے کو ملتے ہیں، جن میں روایتی دستکاری، لباس اور کھانے بھی شامل ہیں۔

اپنے 2023 کے کامیاب آغاز کے بعد ’ترحال‘ مقامی تھیٹر کی پروڈکشن میں تخلیقی حدوں کو آگےبڑھا رہا ہے۔