سعودی پروجیکٹ، ایک ہفتے کے دوران یمن میں مزید 971 بارودی سرنگیں ناکارہ

سعودی عرب کے مسام پروجیکٹ کے تحت جولائی 2025 کے تیسرے ہفتے میں یمن بھر سے مزید971 بارودی سرنگوں اور دھماکہ خیز ڈیوائسز کو ہٹایا گیا ہے۔

ایس پی اے کے مطابق ان میں 891 پھٹنے سے رہ جانے والا آرڈیننس۔ 78 ٹینک شکن اور ایک اینٹی پرسنل بارودی سرنگ  شامل ہے۔

جولائی کے دوران تلف کی جانے والی بارودی سرنگوں کی تعداد 3 ہزار701 تک پہنچ گئی ہے۔

دھماکہ خیز مواد اور بارودی سرنگوں کو بلا تفریق زمین میں بچھایا گیا تھا جو عام لوگوں، خاص طور پر بچوں، خواتین اور عمر رسیدہ افراد کے لیے سنگین خطرہ بن رہا تھا۔

اس پروجیکٹ کے تحت باردوی سرنگیں صاف کرنے والے مقامی انجینیئروں کی تربیت کی جاتی ہے اور انھیں آلات فراہم کیا جاتا ہے اور جو یمنی دھماکہ خیز مواد کی وجہ سے زخمی ہو جاتے ہیں، یہ پروجیکٹ انھیں مدد بھی دیتا ہے۔

پروجیکٹ کے تحت مختلف ٹیموں کو دیہات، سڑکوں اور سکولوں سے بارودی سرنگوں یا دھماکہ خیز مواد کو ہٹانے کا کام سونپا جاتا ہے تاکہ عام لوگ محفوظ رہتے ہوئے نقل و حرکت کر سکیں۔ انسانی بنیادوں کے تحت دی جانے والی امداد عام لوگوں تک پہنچ سکے۔

سعودی عرب امدادی ایجنسی شاہ سلمان مرکز کے ذریعے یمنی اراضی سے بارودی سرنگوں کو ہٹانے کےلیے کوششیں جاری رکھے ہوئے ہے۔

پروجیکٹ کی کوششوں سے ہلاکتوں میں نمایاں کمی ہوئی، بے گھر افراد اور کسانوں کو اپنے علاقوں میں واپس آنے اور کاشتکاری دوبارہ شروع کرنے کا موقع ملا ہے۔