جازان، عسیر اور الباحہ سمیت مکہ مکرمہ میں بارش کا امکان
’گرج چمک کے ساتھ ہونے والی بارش میں بعض علاقوں میں اولے گرنے کا بھی امکان ہے‘ ( فوٹو: سبق)
محکمہ موسمیات نے کہا ہے کہ آج منگل کو جازان، عسیر، الباحہ اور مکہ مکرمہ کے بعض علاقوں میں موسلادھار بارش کا قوی امکان ہے۔
سبق ویب سائٹ کے مطابق محکمے نے کہا ہے کہ ’گرج چمک کے ساتھ ہونے والی بارش میں بعض علاقوں میں اولے گرنے کا بھی امکان ہے جبکہ بعض علاقوں میں تیز ہوا چلے گی‘۔
’مکہ مکرمہ اور نجران ریجنوں کے شہروں میں درمیانے درجے کی بارش ہوگی جبکہ مدینہ منورہ میں ہلکی بارش سے پہلے گرد وغبار کا بھی امکان ہے‘۔
’گرد وغبار کی لہر سے ریاض اور مشرقی ریجن بھی متاثر ہوسکتے ہیں جہاں کھلے مقامات اور ہائی وے پر حد نگاہ متاثر ہوگی‘۔
محکمے نے کہا ہے کہ ’بحیرہ احمر میں شمالی اور شمال مغربی ہوا چلنے کا امکان ہے جس کی رفتار 50 کلو میٹر فی گھنٹہ ہوسکتی ہے اور جس کے باعث ڈھائی میٹر اونچی موجیں اٹھیں گی‘۔
’جبکہ خلیج عربی کے سمندر میں شمالی ہوا چلے گی جس کی رفتار 30 کلو میٹر فی گھنٹہ ہوگی اور جس سے ایک میٹر تک اونچی موجیں اٹھیں گی‘۔
’سنو سٹی‘، ریاض کی گرمیوں میں سردیوں جیسا مزاNode ID: 893499
سعودی عرب میں جانوروں اور پودوں کی 12 ہزار اقسام پر تحقیقNode ID: 893500
