سعودی قیادت کی جانب سے یوکرین کو یوم آزادی پر مبارکباد

خادم حرمین شریفین شاہ سلمان بن عبد العزیز آل سعود اور ولی عہد و وزیر اعظم شہزادہ محمد بن سلمان بن عبد العزیز آل سعود نے یوکرین کے صدر ولادیمیر زیلنسکی کو ان کے ملک کے یوم آزادی پر مبارکباد پیش کی ہے۔

سعودی پریس ایجنسی کے مطابق سعودی قیادت نے صدر زیلنسکی کو تہنیتی پیغام روانہ کئے ہیں۔

سعودی قیادت نے یوکرینی صدر کے نام روانہ کئے جانے والے مکتوب میں ان کے لیے صحت و عافیت کی امید اور نیک جذبات کا اظہار کیا ہے۔

سعودی قیادت نے یوکرین کے لیے مزید ترقی و کامرانی اور یوکرینی عوام  کے لیے خوشحالی کی امید ظاہر کی ہے۔