اعضا کا عطیہ کرنے پر دو سو افراد کو شاہ سلمان کی طرف سے تمغہ

خادم حرمین شریفین شاہ سلمان بن عبدالعزیز نے اعضا کا عطیہ کرنے پر دو سو شہریوں کو شاہ عبد العزیز کا تیسرے درجے کا تمغہ دینے کی منظوری دی ہے۔

سعودی پریس ایجنسی کے مطابق اعضا کا عطیہ کرنے والوں کو تمغے کے علاوہ شاہ سلمان کی طرف سے اسناد بھی دی جائیں گی۔

یہ اعزاز اس بات کا عملی اظہار ہے کہ سعودی قیادت انسانی اور قومی نوعیت کی ان پہل قدمیوں کو قدر کی نگاہ سے دیکھتی ہے جو انسانی جانوں کو بچانے اور اعضا کے عطیہ کی ثقافت کو فروغ دینے میں معاون ثابت ہوں۔

واضح رہے کہ سعودی عرب  میں ضرورت مند مریضوں کے لیے خون کا عطیہ دینے کی مہم بھی وقتا فوقتا چلائی جاتی ہے۔

اعضا کا عطیہ کرنے کے علاوہ ایسے افراد خواہ کو سعودی شہری ہوں یا مقیم غیر ملکی جو 10 مرتبہ خون کا عطیہ کرتے ہیں انہیں خدمات کے اعتراف میں تمغہ اور شکریے پر مشتمل سند دی جاتی ہے۔