امارات میں ستمبر 2025 کےلیے پٹرول کے نئے نرخ، ڈیزل کی قیمت میں کمی

متحدہ عرب امارات میں ستمبر 2025 کے لیے پٹرول اور ڈیزل کے نرخوں کا اعلان کیا گیا ہے۔ 

فیول پرائس کمیٹی نے نئی قیمتوں کی منظوری دی ہے، اس کا اطلاق  پیر یکم ستمبر سے ہوگا۔ ڈیزل سستا ہوا جبکہ پٹرول کے نرخوں میں معمولی ردوبدل کیا گیا۔

امارات الیوم کے مطابق پٹرول سپر 98 کی نئی قیمت 2.70 درہم فی لٹر مقرر کی گئی ہے جو اگست میں 2.69 درہم فی لٹر تھی۔

سپیشل 95 ستمبر میں 2.58 درہم فی لٹر ملے گا۔ اگست میں 2.57 درہم فی لٹر دستیاب تھا۔

ای پلس91 کے نرخ اضافے کے بعد 2.51 فی لٹر ہوں گے۔ جون میں اس کی قیمت 2.50 فی لٹر تھی۔

 ڈیزل کی نئی قیمت کمی کے بعد 2.66 درہم فی لٹر ہوگی۔ اگست میں ڈیزل 2.78 درہم فی لٹر میں دستیاب رہا۔

یاد رہے امارات کی فیول پرائس کمیٹی ہر ماہ پٹرول کی قیمتوں کا تعین عالمی مارکیٹ میں تیل کی قیمتوں کے مطابق کرتی ہے۔