امیر کویت، ولی عہد اور وزیراعظم سے سعودی وزیر کی ملاقات

امیر کویت شیخ مشعل الاحمد الجابر الصباح نے پیر کو بیان پیلس میں سعودی وزیر مملکت، کابینہ کے رکن شہزادہ ترکی بن محمد بن فھد بن عبدالعزیز کا خیرمقدم کیا۔

ایس پی اے کے مطابق سعودی وزیر نے امیر کویت کو شاہ سلمان اور ولی عہد کی جانب سے تہنیتی پیغام پہنچایا۔

ملاقات میں دونوں ملکوں کے برادرانہ تعلقات اور انہیں ترقی دینے کے طریقوں کا جائزہ لیا گیا۔

اس موقع پر کویت میں سعودی سفیر شہزادہ سلطان بن سعد بن خالد بھی موجود تھے۔

علاوہ ازیں سعودی وزیر نے کویتی ولی عہد شیخ صباح خالد الحمد الصباح اور کویتی وزیراعظم شیخ احمد عبداللہ الاحمد الصباح سے بھی ملاقات کی

ملاقات میں تعاون کے پہلووں، دونوں ملکوں کے درمیان  تعلقات اور انہیں ترقی دینے کے طریقوں پر تبادلہ خیال کیا گیا۔