میڈیکل ویسٹیج کو درست طریقے سے تلف نہ کرنے پر 10 ملین ریال جرمانہ

نیشنل سینٹر فار ویسٹ مینجمنٹ ’موان‘ کا کہنا ہے کہ صحت کے اداروں کی استعمال شدہ اشیا (فضلہ) کو غیرمعیاری انداز میں تلف کرنا سنگین خلاف ورزی ہے جس پر 10 ملین ریال تک جرمانہ عائد کیا جا سکتا ہے۔

سبق نیوز نے قومی مرکز ویسٹ مینجمنٹ کی جانب سے صحت اداروں کو سختی سے ہدایت کی ہے کہ وہ قوانین پرعمل درآمد کو ہر صورت یقینی بنائیں تاکہ کسی قسم کی خلاف ورزی کے مرتکب نہ ہوں۔

مرکز کا مزید کہنا تھا کہ صحت اداروں کے لیے لازمی ہے کہ وہ استعمال شدہ اشیا ’سرنج وغیرہ‘ کو درست طریقے سے تلف کریں جس کے لیے باقاعدہ تلف کرنے کے مقامات مخصو ص ہیں۔ استعمال شدہ اشیا کو مخصوص پلاسٹک کے تھیلوں میں رکھا جاتا ہے جن پر ’کلینکل ویسٹ‘ کے الفاظ درج ہوتے ہیں۔

مرکز نے صحت اداروں کو متنبہ کیا ہے کہ قومی مرکز کی تفتیشی ٹیمیں مستقل دورے کرتی ہیں تاکہ اس امر کو یقینی بنایا جا سکے کہ ’فضلے ‘ کو درست طریقے سے تلف کیا جارہا ہے یا نہیں۔ 

خیال رہے صحت اداروں کے فضلوں کو تلف کرنے کے لیے باقاعدہ کمپنیاں موجود ہیں جو محفوظ طریقے سے ہسپتالوں اور طبی مراکز سے فضلے کو جمع کرکے انہیں مقررہ ضوابط کے تحت تلف کرتی ہیں۔