سعودی فوڈ اینڈ ڈرگ اتھارٹی نے ادویات کی عدم فراہمی و ضوابط کی خلاف ورزیوں پر 17 فارمیسز پر 5 لاکھ 85 ہزار ریال کے جرمانے عائد کیے ہیں۔
اخبار 24 کے مطابق فارمیسز کے ڈیجیٹل ٹریکنگ سسٹم ’رصد‘ کے تحت تفتیشی ٹیموں نے مملکت کے مختلف علاقوں میں قائم فارمیسز کی نگرانی کی جن پر ضوابط کی خلاف ورزی ریکارڈ کی گئی۔
هيئة #الغذاء_والدواء تُخالف 17 منشأة صيدلية بأكثر من 580 ألف ريال خلال شهري يوليو وأغسطس 2025، لعدم التزامها بنظام التتبع الإلكتروني للمستحضرات الصيدلانية المسجَّلة "رصد". pic.twitter.com/y1pZOxBntR
— هيئة الغذاء والدواء (@Saudi_FDA) September 16, 2025
اتھارٹی کا کہنا تھا کہ جن فارماسوٹیکل اداروں پر جرمانے عائد کیے گئے ہیں ان پرعائد مختلف نوعیت کی خلاف ورزیاں درج کی گئیں جن میں رجسٹرڈ مصنوعات کو مارکیٹ میں فراہم کرنے میں ناکام ہونا اور سپلائی چین میں رکاوٹ ہونا شامل تھا۔
واضح رہے اتھارٹی کا ٹریکنگ سسٹم ’رصد‘ اس امر کو یقینی بناتا ہے کہ انسانی ضرورت کے لیے تیار کی جانے والی ادویات کی مسلسل ٹریکنگ کی جائے تاکہ ایسی ادویات کی شارٹیج نہ ہو جو انتہائی ضروری ہیں۔ علاوہ ازیں تجارتی جعل سازی کے امکانات کا انسداد کیا جائے۔
