سعودی وزیر داخلہ نے ریاض میں گھانا کے ہم منصب کا خیرمقدم کیا

سعودی وزیرداخلہ شہزادہ عبدالعزیز بن سعود بن نایف نے اتوار کو ریاض میں وزارت داخلہ کے ہیڈ کوارٹر میں گھانا کے ہم منصب منتقی محمد مبارک کا خیرمقدم کیا ہے۔

ایس پی اے کے مطابق ملاقات میں باہمی دلچسپی کے امور کے علاوہ دونوں ملکوں کی وزارت داخلہ کے درمیان سکیورٹی تعاون کو بڑھانے کے طریقوں پر تبادلہ خیال کیا گیا۔

اس موقع پر معاون وزیر داخلہ ڈاکٹر ہشام بن عبدالرحمن الفالح، وزاررت داخلہ کے انڈر سیکرٹری برائے سکیورٹی امور محمد بن مھنا المھنا اور دیگر عہدیدار بھی موجود تھے۔