جدہ معیار زندگی کے لحاظ سے عرب دنیا کا دوسرا بہترین شہر
واکنگ ٹریک سمندر کو روزمرہ کی زندگی کا حصہ بناتے ہیں۔(فوٹو: ایس ہی اے)
جدہ شہر کو 2025 کے معیارِ زندگی انڈیکس میں دنیا کے بہترین شہروں میں 74 واں جبکہ عرب ممالک میں دوسرا بہترین شہر قرار دیا گیا ہے۔
سعودی خبررساں ایجنسی ایس پی اے کے مطابق جدہ سعودی عرب کا سب سے ہائی رینکنگ شہر جبکہ عمانی دارالحکومت مسقط کے بعد عرب دنیا کا دوسرا بہترین شہر ہے۔
اس کامیابی کی بڑی وجہ سیفٹی، ہیلتھ کیئر، انفراسٹرکچر ڈیویلپمنٹ، جدید عوامی سہولتوں کی فراہمی ہے جو رہائشیوں اور وزیٹرز دونوں کو خدمات فراہم کرتے ہیں۔
نمبیو ڈیٹا کمپنی کے اعدد وشمار سے لوگوں کو شہروں کے بارے میں معلومات کو دیکھنے، شیئر کرنے اور موازنہ کرنے میں مدد ملتی ہے۔
جدہ میونسپلٹی نے وزارت بلدیات و ہاؤسنگ کی سرپرستی میں مملکت کے وژن 2030 کے اہداف کے اندر معیار زندگی کے پروگرام کے مطابق تاریخی منصوبے مکمل کیے ہیں۔
ان منصوبوں سے معیار زندگی کی سہولتوں میں بہتری آئی اور تفریحی مقامات میں اضافہ ہوا۔
سب سے نمایاں منصوبوں میں ساحل سمندر( کورنیش ) کی ترقی ہے جس میں پانچ واٹر فرنٹ شامل ہیں۔ واکنگ ٹریک، سائیکلگنگ پاتھ، بپلک سکوائر، چلڈرن پلے ایریاز اور آرٹسٹک مجسمے شامل ہیں جو سمندر کو روزمرہ کی زندگی کا حصہ بناتے ہیں۔
واٹر فرنٹ کے ساتھ ریستوران، کیفے، ریسٹ ایریاز اور ساحل کو قریب سے دیکھنے کے لیے سہولتیں فراہم کی گئی ہیں۔
میونسپلٹی نے جدہ کے مختلف علاقوں میں 445 پارکس تعمیر کیے جن میں’السجی‘ پارک شامل ہے اس کے علاوہ ’امیرماجد پارک‘ جو ایک لاکھ 30 ہزار مربع میٹر پر محیط ہے جہاں بچوں اور بڑوں کی تفریح کے لیے انتظامات موجود ہیں۔
