انٹرا جی سی سی سیاحت میں 52 فیصد اضافہ، سعودی عرب سرفہرست

خلیجی شماریاتی مرکز کی رپورٹ میں کہا گیا کہ گزشتہ برس 2024 میں جی سی سی ممالک میں سیاحتی شعبے نے غیرمعمولی ترقی ہے۔ انٹرا جی سی سی سیاحت میں 52 فیصد اضافہ ہوا ہے۔

سبق کے مطابق انٹرنیشنل ٹورازم ڈے پر رپورٹ میں کہا گیا’ سال 2019 کے مقابلے میں گزشتہ برس سیاحتی شعبے سے حاصل ہونے والی آمدنی 247.1 ارب ڈالر ریکارڈ کی گئی جو سال 2019 کے مقابلے میں 31.9 فیصد زیادہ ہے۔

’خلیج تعاون کونسل میں سیاحت، پائیدار ترقی و تبدیلی کا دروازہ‘ کے عنوان سے رپورٹ میں کہا گیا ’خلیج کی اقتصادیات کی ترقی کے لیے سیاحت اہم حیثیت اختیار کرچکی ہے جس سے بہت سے روزگار کے دوازے کھلتے ہیں۔‘

 توقع ہے سال 2034 تک اس شعبے میں 13.3 فیصد ترقی ہوگی جس سے آمدنی 371.2 ارب ڈالر سے تجاوز کرجائے گی۔

سیاحوں کی آمدورفت کے حوالے سے رپورٹ میں بتایا گیا گزشتہ برس خلیجی ملکوں میں 19.3 ملین خلیجی سیاح ریکارڈ کیے گئے جو بین الاقوامی سیاحوں کے مقابلے میں26.7 فیصد تھے۔

خلیجی ملکوں میں سعودی عرب سرفہرست رہا جہاں سب سے زیادہ خلیجی سیاح آئے۔

 رپورٹ کے مطابق سال 2024 میں سیاحت میں ہونے والے اضافے سے 4.3 ارب ڈالر مالیت کے روزگار کے مواقع میسرآئے جو سال 2019 کے مقابلے میں 24.9 فیصد زیادہ تھے۔

توقع ہے سال 2034 تک اس شعبے میں 1.3 ملین روزگار کے مواقع پیدا ہوں گے۔