ابشر پلیٹ فارم پر ’وزیٹر ڈیجیٹل آئی ڈی‘ دیکھنے کا طریقہ کار مزید آسان

سعودی محکمہ پاسپورٹ اینڈ امیگریشن ’جوازات‘ نے ابشر پلیٹ فارم پر ’وزیٹرڈیجیٹل آئی ڈی‘ دیکھنے کے طریقہ کار کو آسان بنانے کا اعلان کیا ہے۔

عاجل نیوز کے مطابق جوازات کا کہنا’ وزٹ ویزے پر آنے والے اپنی ڈیجیٹل آئی ڈی کو ابشر اکاونٹ سے باسانی حاصل کرسکتے ہیں۔

ابشر کے مین پیج پر جوازات نے وزیٹرز کا آئی کان فراہم کیا ہے جسے کلک کرنے کے بعد ڈجیٹل آئی ڈی برائے وزٹر کا آپشن ظاہر ہوتا ہے۔

اس آپشن کو کلک کرکے درکارمعلومات درج کی جائیں جن میں بارڈر نمبر اور تاریخ پیدائش شامل ہیں، جس کے بعد سرچ کو کلک کیے جانے سے وزیٹر آئی ڈی کارڈ ظاہر ہو جاتا ہے۔

واضح رہے گزشتہ ہفتے سعودی مرکزی بینک ’ساما ‘ نے وزیٹرز کو یہ سہولت دینے کا اعلان کیا تھا کہ وہ کسی بھی مقامی بینک میں اپنا اکاونٹ باسانی کھول سکتے ہیں۔

اکاونٹ کھولنے کے بھی ڈیجیٹل آئی ڈی کی ضرورت ہوتی ہے اسی حوالے سے جوازات نے وزیٹرڈیجیٹل آئی ڈی کے مرحلے کو آسان بنا دیا ہے۔