سعودی عرب اور رومانیہ کے وزرائے داخلہ کی ملاقات، سکیورٹی تعاون کا جائزہ

سعودی وزیرداخلہ شہزادہ عبدالعزیز بن سعود بن نایف نے اتوار کو ریاض میں وزارت کے ہیڈ کوارٹر میں رومانیہ کے نائب وزیراعظم و وزیرداخلہ کیٹالین پریڈوئیو کا خیرمقدم کیا ہے۔

ایس پی اے کے مطابق ملاقات میں دونوں ملکوں کی وزارت داخلہ کے درمیان سکیورٹی تعاون بڑھانے کے طریقوں کا جائزہ لینے کے علاوہ مشترکہ دلچسپی کے متعدد امور پر تبادلہ خیال کیا گیا۔

اس موقع پر قائم مقام نائب وزیر داخلہ ڈاکٹرعبدالعزیز بن محمد بن عیاف، معاون وزیر داخلہ ڈاکٹر ہشام بن عبدالرحمن الفالح اور دیگر عہدیدار بھی موجود تھے۔