کئی دہائیوں تک تدریس، تحقیق اور پالیسی سازی سے وابستہ رہنے والی معروف ماہرِ تعلیم اور سماجی رہنما ڈاکٹر عارفہ سیدہ زہرا 83 برس کی عمر میں لاہور میں انتقال کر گئیں۔
سنہ 1942 میں پیدا ہونے والی ڈاکٹر عارفہ سیدہ زہرا نے تعلیمی شعبے کے ساتھ ساتھ انتظامی اور سماجی میدانوں میں بھی کردار ادا کیا۔
وہ نیشنل کمیشن آن دی سٹیٹس آف ویمن کی چیئرپرسن رہیں اور پنجاب کی نگران صوبائی کابینہ میں وزیر کے طور پر بھی شامل رہیں۔
اردو زبان، تاریخ اور تعلیم ان کے بنیادی میدان رہے۔ وہ مختلف قومی و بین الاقوامی سیمینارز میں شریک ہوئیں اور متعدد تحقیقی مضامین بھی لکھے، مختلف سماجی موضوعات پر ان کے لیکچرز سوشل میڈیا پر وائرل رہتے تھے۔
ڈاکٹر عارفہ سیدہ زہرا کے انتقال پر علمی اور تعلیمی حلقوں سمیت ان کے چاہنے والوں کی جانب سے اظہارِ افسوس کیا جا رہا ہے۔
صدرِ مملکت آصف علی زرداری نے ڈاکٹر عارفہ سیدہ زہرا کے انتقال پر گہرے رنج و غم کا اظہار کیا ہے۔
صدرِ مملکت نے اپنے تعزیتی پیغام میں کہا کہ ’ڈاکٹر عارفہ سیدہ زہرا کی وفات پاکستان کے علمی و ادبی حلقوں کے لیے ایک ناقابلِ تلافی نقصان ہے۔‘
سامرین خان نے عارفہ سیدہ کے انتقال کی خبر شیئر کرتے ہوئے لکھا کہ ’ڈاکٹر عارفہ سیدہ، آپ کی روح کو سکون نصیب ہو۔ آج ایک عظیم شخصیت ہم سے رخصت ہو گئی۔ آپ کی روشنی ماند پڑ سکتی ہے مگر آپ کا اثر ہمیشہ قائم رہے گا۔ تعلیم، خواتین کے حقوق اور اردو ورثے کی ایک مضبوط آواز کے طور پر آپ نے علم و ہمت کی ایسی میراث چھوڑی ہے جو ہمیشہ یاد رکھی جائے گی۔
Rest in peace, Dr. Arfa Sayeda. A great soul departed today. Your light may have faded, but your impact never will. A profound voice for education, women's rights, and Urdu heritage, she leaves behind a legacy of wisdom and courage. pic.twitter.com/2N3kOzj7ID
— Samreen Khan (@Samreen_khaan) November 10, 2025
صحافی نسیم زہرا نے لکھا ’دنیا ایک واقعی غیر معمولی انسان اور دانشور سے محروم ہو گئی ہے۔‘
Dr Arfa Syeda has just passed away -
Inna Lilahaey Wa’Inna Ilahaey Rajjaoun.
Heartbreaking news
The world has lost a truly exceptional human being &. intellectual .
May she rest in peace . Ameen pic.twitter.com/PMWHV8xB3h— Nasim Zehra (@NasimZehra) November 10, 2025
صحافی عاصمہ شیرازی نے لکھا ’آج بے شک ہم گنج ہائے گراں مایہ سے محروم ہوئے۔ ڈاکٹر صاحبہ اللہ حافظ۔‘
معروف اسکالر، ماہر لسانیات ، دانشور اور اپنے عہد کی بہترین مبلغہ محترمہ ڈاکٹر عافہ زہرا سیدہ کے انتقال کی خبر ہے۔ زمانہ طالبعلمی میں مباحثوں میں منصف کی حیثیت سے اور بعد ازاں کانفرنسوں، مکالموں میں اُن کی صحبت میسر آئی۔ جب ملاقات ہوئی سُخن کے نئے در کھُلے، نئی بات سیکھی ، انداز و… pic.twitter.com/Q16X352M85
— Asma Shirazi (@asmashirazi) November 10, 2025
صحافی حامد میر نے لکھا کہ ’عارفہ سیدہ زہرا کا انتقال پوری پاکستانی قوم کے لیے نہیں بلکہ اولڈ راوینز کے لیے بھی بہت بڑا نقصان ہے۔‘
اللّٰہ تعالیٰ ممتاز ماہر تعلیم ڈاکٹر عارفہ سیدہ زہرا کے درجات بلند فرمائے انکا انتقال پوری پاکستانی قوم کے لئے نہیں بلکہ اولڈ راوینز کے لئے بھی بہت بڑا نقصان ہے ہم انکی عالمانہ باتیں سن کر فخر کرتے تھے کہ ہم نے بھی انکی طرح گورنمنٹ کالج یونیورسٹی لاہور سے تعلیم حاصل کی pic.twitter.com/GRC5WZh30s
— Hamid Mir حامد میر (@HamidMirPAK) November 10, 2025
وفاقی وزیر احسن اقبال نے عارفہ سیدہ کے اہل خانہ سے تعزیت کرتے ہوئے لکھا کہ ’میں ڈاکٹر عارفہ سیدہ زہرا کے اہلِ خانہ سے دلی تعزیت کا اظہار کرتا ہوں۔ وہ پاکستان کی ایک ممتاز ماہرِ تعلیم، انسانی حقوق کی کارکن اور جرات مند دانشور تھیں جو 10 نومبر 2025 کو انتقال کر گئیں۔ وہ علم، سماجی جدوجہد اور بے خوف عوامی مکالمے کی ایک پائیدار میراث چھوڑ گئی ہیں۔‘
I offer heartfelt condolences to the family of Arfa Sayeda Zehra, a prominent Pakistani educationist, human‑rights activist and public intellectual, who passed away on 10th November 2025, leaving behind a legacy of scholarship, activism and fearless public discourse. She very… pic.twitter.com/rHJjul2LEB
— Ahsan Iqbal (@betterpakistan) November 10, 2025
