ریاض میں ’عالمی ہم آہنگی ٹو‘ میں بنگلہ دیشی ویک کا آغاز

وزارت اطلاعات کے زیر اہتمام  ’عالمی ہم آہنگی ٹو‘ اقدام کے تحت بنگلہ دیشی ویک کا آغاز ہو گیا ہے جو ریاض کے السویدی پارک میں منایا جارہا ہے۔

سعودی خبررساں ایجنسی ’ایس پی اے‘ کے مطابق عالمی ہم آہنگی کے عنوان سے شروع کیا جانے والے ثقافتی پروگرام کے تحت گزشتہ ہفتہ انڈیا کی ثقافت کا تھا جس میں وہاں کے مختلف ثقافت اور دستکاری کو اجاگر کیا گیا تھا۔

رواں ہفتہ بنگلہ دیش کی ثقافت کے حوالے سے شروع کیا گیا ہے جو 14 نومبر تک جاری رہے گا ۔ پروگرام کے پہلے روز ریجن میں مقیم بنگلہ دیشی کمیونٹی نے بڑی تعداد میں شرکت کی۔

بنگلہ دیشی پکوان اورسرکس اور ثقافتی شوز کے علاوہ بنگلہ دیشی پکوانوں کے اسٹالز بھی لگائے گئے ہیں جہاں بڑی تعداد میں زائرین لطف اندوز ہورہے ہیں۔

رواں ہفتے میں بنگلہ دیش کے مختلف ثقافتی شوز میں 10 فنکار شرکت کررہے ہیں جبکہ 12 لوک ورثے کے گروپس بھی خاص طورپر علاقائی ثقافت کو اجاگر کریں گے۔