سعودی قیادت کی طرف سے لبنان کو یوم آزادی پر مبارکباد

خادم الحرمین الشریفین شاہ سلمان بن عبد العزیز آل سعود اور ولی عہد و وزیر اعظم شہزادہ محمد بن سلمان بن عبد العزیز آل سعود نے لبنان کے صدر جوزاف عون کو ان کے ملک کے قومی دن پر مبارکباد پیش کی ہے۔

سعودی پریس ایجنسی کے مطابق سعودی قیادت نے لبنان کے صدر کو تہنیتی پیغام روانہ کئے ہیں۔

سعودی قیادت نے صدر جوزاف عون کے نام روانہ کئے جانے والے مکتوب میں کہا ہے کہ ’ہم آپ کے لیے صحت و عافیت اور خوشحال زندگی اور لبنان کے لئے مزید ترقی و کامرانی کی امید رکھتے ہیں‘۔