Sorry, you need to enable JavaScript to visit this website.

عالمی ہم آہنگی اینیشیٹو میں یمنی ویک ختم، پاکستانی شروع

’پاکستانی ویک میں ورثے، تہذیب اور روایتی فنون کا تعارف پیش کیا جائے گا‘ ( فوٹو: سبق)
سعودی وزارتِ اطلاعات نے انٹرٹینمنٹ اتھارٹی کے تعاون سے ’عالم ہم آہنگی اینیشیٹو‘ کا سلسلہ جاری رکھا ہوا ہے جہاں یمنی ثقافت ویک کی سرگرمیوں کا اختتام کیا ہے۔
سبق ویب سائٹ کے مطابق آج ہفتے سے پاکستان کی ثقافت کے ویک کا آغاز ہوگا جس میں پاکستان کے ورثے، تہذیب اور روایتی فنون کا تعارف پیش کیا جائے گا نیز بچوں کے لئے خصوصی سرگرمیاں بھی منعقد کی جائیں گی۔
پاکستانی ویک میں میں مختلف قومیتوں سے تعلق رکھنے والے غیر ملکیوں کے علاوہ مقامی شہریوں کی بڑی تعداد کی شرکت متوقع ہے۔
پاکستانی ثقافتی سرگرمیاں ’عالمی ہم آہنگی‘ کی اس سمت کی توسیع ہے جس کا مقصد سعودی عرب میں مقیم 14 عالمی ثقافتوں کا تعارف پیش کرنا اور معیارِ زندگی میں بہتری کے لئے حکومتی و نجی کوششوں کو اجاگر کرنا ہے تاکہ یہ دکھایا جا سکے کہ سعودی عرب ثقافتی تنوع کے عالمی مرکز کے طور پر کس قدر اہم مقام رکھتا ہے۔
خیال رہے کہ 8 روز تک زائرین نے یمنی ثقافتی نمائشی پروگرام دیکھے جو سعودی عرب اور یمن کے عوام کے مابین گہرے ثقافتی تعلقات کو اجاگر کرتے ہیں اور دونوں معاشروں کے درمیان تہذیبی ربط کو مضبوط بناتے ہیں۔
یمنی ثقافت کے ویک میں 40 سے زائد سرگرمیاں شامل تھیں جن میں روایتی عوامی رقص و موسیقی، بچوں کے لئے تفریحی پروگرام، یمنی دستکاریوں کی نمائش اور وہ تمام ثقافتی عناصر شامل تھے جو یمن کے ورثے کی بھرپور تاریخ کو ظاہر کرتے ہیں۔
 
 

شیئر: