حدود الشمالیہ کے صحرائی علاقوں میں خاردار روسی پودا تیزی سے پھیل رہا ہے

سعودی عرب کی حدود الشمالیہ میں حال ہی میں دکھائی دینے والا جنگلی خار دار رُوسی پودا، صحرائی علاقوں اور ریتلے میدانوں میں تیزی سے پھیل رہا ہے۔

یہ کانٹے دار جنگلی بوٹی عام طور پر ایسے کُھلے علاقوں میں پھلتی پھولتی ہے جہاں سبزہ کم کم ہوتا ہے یا بالکل ہی نہیں ہوتا۔

اکثر یہ خاردار جنگلی پودا، اُن مقامات پر نظر آتا ہے جہاں پودوں اور گھاس پر گزارہ کرنے والے جانور، زمین پر چرائی کر کے، گھاس اور پودوں کو چارے کے طور پر حد سے زیادہ استعمال کر کے ختم کر چکے ہوتے ہیں۔

چرائی کرنے والے جانوروں کے اِس عمل سے یہ بھی معلوم ہو جاتا ہے کہ ایکو سسٹم کے ذریعے بحالی سے قبل، ماضی میں ماحولیاتی تباہی کے حیاتیاتی اشاریے کیا بتاتے ہیں۔

حدود الشمالیہ میں امان ماحولیاتی ایسوسی ایشن کے سربراہ ناصر ارشید المجلاد اس کی وضاحت کرتے ہوئے کہتے ہیں کہ’ جنگلی خار دار روُسی پودا، خشک سالی اور نمکیات کی آمیزش سے جنم لینے والی مشکلات کو آسانی سے برداشت کرنے اور ان سے مقابلہ کر کے خود کو قائم رکھنے کے لیے مشہور ہے۔‘

سالسولا نوع سے تعلق رکھنے کی وجہ سے، کانٹوں سے بھرا یہ رسیلا پودا، جو جڑی بوٹیوں کی طرح سال بھر ہرا بھرا رہتا ہے، سو سینٹی میٹر تک اونچا ہو سکتا ہے۔

 یہ بُوٹی مٹی کے استحکام کا باعث بنتی ہے، زمین میں ٹوٹ پھوٹ کے عمل کو کم کرتی ہے اور کانٹوں کے اُگنے سے پہلے، اونٹوں اور جگالی کرنے والے دیگر جانوروں کے لیے چارے کا کام دیتی ہے۔