’فلسطینی عوام کو ریلیف‘ سعودی عرب نے نیا امدادی قافلہ غزہ بھیج دیا

سعودی عرب نے فلسطینی عوام کےلیے جاری انسانی کوششوں کے ایک حصے کے طور پر ایک نیا امدادی قافلہ غزہ بھیجا ہے۔

ایس پی اے کے مطابق امدادی قافلے میں بڑی تعداد میں خیمے اور دیگر بنیادی اشیائے ضرورت شامل ہیں۔

یہ امداد غزہ میں فلسطینی عوام کو ریلیف فراہم کرنے کے لیے شروع کی جانے والی مہم کا حصہ ہے۔ موجودہ انسانی صورتحال کے اثرات کو کم کرنے، فلسطینیوں کے مصائب کو دور کرنے کے حوالے سے مملکت کے عزم کو ظاہر کرتی ہے۔

غزہ میں انسانی بحران کے خاتمے کےلیے سعودی امدادی ایجنسی نے فضائی اور بحری امدادی پل قائم کیے۔ 74 طیارے اور 8 بحری جہازوں کے ذریعے 7 ہزار 677 ٹن سے زیادہ امداد کے علاوہ  فلسطین ہلال احمر سوسائٹی کو20 ایمبولینسں فراہم کیں۔

شاہ سلمان مرکز نے غزہ کی پٹی میں فلسطینی عوام کے لیے امدادی منصوبوں کی فنڈنگ کےلیے متعدد بین الاقوامی تنظیموں کےساتھ معاہدوں پر بھی دستخط کیے جن کی مجموعی مالیت 90.35 ملین ڈالر ہے۔

 اردن کے تعاون سے غزہ کی پٹی کی بندش کے باعث متاثرہ افراد تک غذائی امداد کےلیے مشترکہ ایئر ڈراپ آپریشن بھی کیے۔