فورم میں کئی سرباہان مملکت اور سفارتکار شریک ہیں۔ (فوٹو: ایس پی اے)
سعودی نائب وزیر خارجہ انجینیئر ولید الخریجی نے وزیرخارجہ شہزادہ فیصل بن فرحان کی نیابت کرتے ہوئے دوحہ فورم 2025 میں شرکت کی۔
سرکاری خبر رساں ایجنسی ایس پی اے کے مطابق دوحہ فورم میں متعدد اہم موضوعات زیر بحث آ ئیں گے خصوصا باہم مربوط عالمی بحرانوں کے درمیان علاقائی اور بین الاقوامی چیلنجز۔
فورم میں بین الاقوامی تعاون کو مضبوط بنانے کی اہمیت، ایک منصفانہ اور پائیدار مستقبل کی تعمیر اور انسانی حقوق کے تحفظ پر بھی بات کی جائے گی۔
یاد رہے دوحہ فورم کے 23 ویں ایڈیشن کا آغاز انصاف کو مضبوط بنانا، وعدوں سے حقیقی اقدامات تک کے موضوع پر سنیچر کو ہوا ہے، جس میں کئی سرباہان مملکت اور سفارتکار شریک ہیں۔
قطری وزیراعظم اور وزیر خارجہ شیخ محمد بن عبدالرحمن آل ثانی نے اپنے افتتاحی خطاب میں کہا ’صرف منصفانہ حل پائیدار امن قائم کرسکتے ہیں، تنازعات اور تقسیم کو طول پکڑنے سے روک سکتے ہیں۔‘
سعودی نائب وزیرخارجہ نے قطری وزیر مملکت سے ملاقات کی۔(فوٹو: ایکس اکاونٹ)
علاوہ ازیں سعودی نائب وزیرخارجہ نے قطری وزیر مملکت برائے خارجہ ڈاکٹر محمد بن عبدالعزیز الخلیفی سے ملاقات کی۔
ملاقات کے دوران دوطرفہ تعلقات، انہیں مختلف شعبوں میں بڑھانے کے علاوہ باہمی دلچسپی کے امور پر تبادلہ خیال کیا گیا۔
اس موقع پر قطر میں سعودی سفیر شہزادہ سعد بن منصور بن سعد بھی موجود تھے۔
