’فلائنگ ٹیکسی‘ سعودی سول ایوی ایشن کا امریکی کمپنی کے ساتھ معاہدہ

سعودی جنرل اتھارٹی آف سول ایوی ایشن نے امریکی کمپنی ’آرچر ایوی ایشن‘ کے ’فلائنگ ٹیکسی‘ سروسز کے حوالے سے مفاہمتی یادداشت کے معاہدے پر دستخط کیے ہیں۔

عاجل نیوز کے مطابق مملکت میں ایڈونسڈ ایئرٹرانسپورٹ سسٹم کو ترقی دینے کے حوالے سے فضائی ٹیکسی کی خدمات کی فراہمی کے عمل کو تیز کیا جائے گا۔

قبل ازیں گزشتہ ماہ امریکی کمپنی آرچر ایوی ایشن نے گزشتہ ماہ اعلان کیا تھا کہ ہیلی کاپٹر ایوی ایشن کمپنی اورریڈ سی انٹرنیشنل کے ساتھ تعاون کے معاہدے پر دستخط ہوئے ہیں جن کا مقصد اگلے مرحلے میں مملکت میں الیکٹرک ہوائی جہاز کی جانچ اور ممکنہ آپریشنل منصوبے پر کام کیا جائے گا۔

خیال رہے مشرق وسطی میں فلائنگ ٹیکسی ٹیکنالوجیز میں دلچسپی بڑھتی ہوئی دکھائی دے رہی ہے۔

سعودی عرب میں سیاحت کے شعبے میں بھی کافی پھیلاو دیکھنے میں آرہا ہے اس حوالے سے ایئرٹرانسپورٹیشن کے سیکٹر میں ترقی کے امکانات روشن ہیں۔

 یاد رہے سعودی عرب نے حج کے دوران عازمین کے لیے پہلی بار خودکار فضائی ٹیکسی سروس کی سہولت متعارف کرائی تھی۔

 خودکار فضائی ٹیکسی  کو عازمین کو مقدس مقامات پر سفر کی سہولت مہیا کرنے کے علاوہ سامان کی فوری ترسیل اور ہنگامی حالت میں طبی خدمات کے لیے استعمال کیا گیا۔