ریاض ریجن کے گورنر شہزادہ فیصل بن بندر عبدالعزیز نے سنیچر کو آٹھویں انٹرنیشنل پیور بریڈ عریبیئن بیوٹی شو کی اختتامی تقریب میں شرکت کی۔

ایس پی اے کے مطابق گورنر ریاض تقریب میں شرکت کے لیے پہنچے تو گھڑ سواری کلب اور جاکی کلب کے بورڈ آف ڈائریکٹرز کے چیئرمین شہزادہ بندر بن خالد بن فیصل اور وزیر برائے ماحولیات و پانی انجینیئر عبدالرحمن نے ان کا خیرمقدم کیا۔

گورنر ریاض نے جیتنے والے گھوڑوں کے اصطبل کے مالکان کو انعامات دیے۔ شائقین کی بڑی تعداد موجود تھی۔

شاہ عبدالعزیز سینٹر فار پیور بریڈ عریبیئن ہارسز نے گورنر ریاض کو یادگاری تحفہ دیا۔ سرکاری اداروں، سپانسر کرنے والی کمپنیوں اور آٹھویں ایڈیشن کے شرکا کو بھی اعزازات سے نوازا گیا۔

یاد رہے پانچ روزہ بین الاقوامی شو کا آغاز منگل 9 دسمبر کو دارالحکومت ریاض کے کنگ عبدالعزیزعریبیئن ہارس سینٹر میں ہوا تھا، جس میں مختلف ملکوں نے 844 خالص نسل کے عربی گھوڑوں کے ساتھ شرکت کی جو ایک ریکارڈ ہے۔

اس ایونٹ میں عریبیئن گھوڑوں کی خوبصورتی، ان کی تاریخ اور قدیم ورثے کو بھی اجاگر کیا گیا۔