سعودی عرب کی جانب سے اسلام آباد کی مسجد میں دہشتگرد حملے کی مذمت
خودکش حملے میں 31 افراد ہلاک جبکہ 160سے زائد زخمی ہوئے(فوٹو، ایکس )
سعودی عرب کی جانب سے جمعہ کے روز اسلام آباد کی مسجد میں ہونے والی دہشتگردی کی شدید مذمت کی ہے جس میں متعدد افراد جاں بحق اور زخمی ہوئے۔
سعودی خبررساں ایجنسی ’ایس پی اے‘ کے مطابق سعودی وزارتِ خارجہ کی جانب سے جاری بیان میں اس بات پرزوردیا گیا ہے کہ سعودی عرب عبادت گاہوں کو نشانہ بنانے ، پرامن شہریوں کو خوف وہراس میں مبتلا کرنے اور بے افراد کا خون بہانے کی بھرپور مذمت کرتا ہے۔
بیان میں مزید کہا گیا کہ مملکت ہر قسم کے تشدد، انتہا پسندی اور دہشت گردی کے خلاف اپنے موقف پرقائم ہے او اس حوالے سے برادر اسلامی ملک پاکستان کے ساتھ مکمل یکجہتی کا اظہار کرتی ہے۔
سعودی وزارتِ خارجہ نے دہشت گرد حملے میں ہلاک ہونے والوں کے لواحقین ، حکومت پاکستان اور پاکستانی عوام سے دلی تعزیت او ہمدردی کا اظہار کرتے ہوئے حملے میں زخمیوں کی جلد و مکمل صحت یابی کی دعا بھی کی۔
خیال رہے جمعہ کے روز اسلام آباد کے علاقے ترلائی کلاں میں نماز جمعہ کے دوران ایک امام بارگاہ میں ہونے والے خودکش دھماکے میں 31 افراد ہلاک جبکہ 160 سے زائد زخمی ہوئے۔
