حناکیہ کی جنگ: پہلی سعودی ریاست کی تاریخ میں ایک اہم سنگِ میل
اتوار 22 فروری 2026 17:41
الحناکیہ کی پہلی جنگ 1228 ہجری میں مدینہ منورہ کے شمال مغرب میں واقع قصر الحناکیہ کے قریب لڑی گئی (فائل فوٹو: ایس پی اے)
الحناکیہ کی پہلی جنگ جو 1228 ہجری (1813 عیسوی) میں مدینہ منورہ کے شمال مغرب میں واقع قصر الحناکیہ کے قریب لڑی گئی، پہلے سعودی ریاست کی تاریخ میں ایک اہم سنگ میل کے طور پر جانی جاتی ہے۔
یہ جنگ سعودی افواج اور سلطنت عثمانیہ کی فوج کے درمیان ہوئی اور اس دور کے علاقائی فوجی تنازعات کا ایک اہم حصہ تھی۔
سعودی پریس ایجنسی کے مطابق سعودی افواج کی قیادت سعود بن عبدالعزیز بن محمد آل سعود نے کی اور انہوں نے فیصلہ کن فتح حاصل کی جس کے نتیجے میں سلطنت عثمانیہ کی فوج کو پسپائی اختیار کرنا پڑی۔
اس کامیابی نے عثمانی فوج کی نجد کی طرف پیش قدمی کو تاخیر میں ڈال دیا اور پہلے سعودی ریاست کی مدینہ کے اطراف فوجی موجودگی کو نمایاں طور پر مضبوط کیا۔
آج سعودی یومِ تاسیس کی میراث کے حصے کے طور پر یاد کی جانے والی الحناکیہ کی جنگ سعودی عثمانی مقابلوں کی تاریخ میں ایک نمایاں سنگِ میل شمار ہوتی ہے۔
یہ تاریخی معرکہ اپنے گہرے اور براہ راست اثرات کی وجہ سے اُس اہم دور میں فوجی واقعات کے سلسلے پر نمایاں اثر رکھتا ہے۔
پہلی سعودی ریاست میں موسم کی پیش گوئی کیسے کی جاتی تھی؟Node ID: 900937
