شہزادہ فیصل بن فرحان سے ہائی کمشنر برائے انسانی حقوق، قبرص اور ازبک وزرائے خارجہ کا رابطہ

شہزادہ فیصل بن فرحان سے اقوام متحدہ کے ہائی کمشنر برائے انسانی حقوق والکر ترک نے ٹیلی فون پر رابطہ کیا ہے۔

رابطے میں علاقائی صورتحال، اس کے انسانی اثرات کے علاوہ امن واستحکام برقرار رکھنے کےلیے جاری  بین الاقوامی کوششوں کی سپورٹ کےلیے مشترکہ تعاون بڑھانے کی اہمیت پر تبادلہ خیال کیا گیا۔ 

ایس پی اے کے مطابق سعودی وزیر خارجہ شہزادہ فیصل بن فرحان سے پیر کو ازبکستان کے ہم منصب بختیار سیدوف نے بھی رابطہ کیا ہے۔

رابطے کے دوران خطے کی صورتحال اور ان بین الاقوامی کوششوں کا جائزہ لیا گیا جن کا مقصد کشیدگی کو کم کرنا اور خطے میں سلامتی اور استحکام کو برقرار رکھنا ہے۔

سعودی وزیر خارجہ اور قبرص کے ہم منصب ڈاکٹر کانسٹینٹینوس کومبوس کے رابطے میں خطے کی سلامتی اور استحکام کو نقصان پہنچانے والے کسی بھی اقدام کو مسترد کرنے کا اعادہ کیا گیا۔