سعودی وزارت دفاع نے جمعے کو بھی مملکت کے فضائی دفاعی نظام کی مدد سے بیلسٹک میزائل اور ڈرون حملوں کی نئی لہر کو روک دیا۔
ایس پی اے کے مطابق وزارت کے ترجمان نے بیان میں کہا کہ ’سعودی فضائی حدود مں داخل ہونے والے 28 ڈرونز کو روک کر تباہ کردیا گیا۔‘
یاد رہے گزشتہ روز سعودی وزارت دفاع نے کم از کم 4 بیلسٹک میزائلوں اور متعدد ڈرونز کو مار گرانے کا اعلان کیا تھا جو مملکت کی فضائی حدود میں داخل ہوئے تھے۔
سعودی کابینہ نے منگل کو مملکت، خلیجی ممالک اور خطے کے دیگر ملکوں کو نشانہ بنانے والے ایرانی حملوں کی شدید مذمت کی، اور واضح کیا کہ ایسے اقدامات علاقائی امن کو متاثر کرتے ہیں اور بین الاقوامی قوانین کی صریح خلاف ورزی ہیں۔
سعودی عرب کے اس حق کی دوبارہ توثیق کی گئی کہ وہ اپنی سلامتی، خودمختاری اور علاقائی سالمیت کے تحفظ کے لیے ہر ضروری قدم اٹھا سکتا ہے۔
