پرنس سلطان ایئر بیس پر حملے کی تردید: ترجمان وزارت دفاع

سعودی وزارت دفاع کے سرکاری ترجمان میجر جنرل ترکی المالکی نے الخرج میں پرنس سلطان ایئر بیس پر حملے کے حوالے سے گردش کرنے والی اطلاعات کی تردید کی ہے۔

ایس پی اے کے مطابق ترجمان نے کہا’ پیر کی صبح الخرج کمشنری میں انتباہی سائرن کو فعال کرنا ایک احتیاطی اقدام تھا، جو یمن سے ایک بیلسٹک میزائل داغے جانے کے بعد کیا گیا، جو سرحد کے قریب راڈار سے غائب ہو گیا۔‘

ترجمان نے کہا کہ ’میزائل کے داغے جانے اور حالات کے تعین کے لیے تحقیقات کی جا رہی ہے۔‘

علاوہ ازیں سعودی سول ڈیفینس نے پیر کی صبح الخرج کمشنری کے لیے ایک مختصر انتباہ جاری کیا، بعد ازاں الرٹ ختم کر دیا گیا۔

یہ صورتحال ایران اور اسرائیل کے درمیان کشیدگی بڑھنے کے بعد سامنے آئی، جب دونوں ملکوں نے ایکدوسرے پر حملے کیے جس سے نازک جنگ بندی کو خطرہ لاحق ہوگیا۔