کویت کی فوج کے مطابق بدھ کی صبح ملک کے فضائی دفاعی نظام میزائل اور ڈرون حملوں سے نمٹ رہا ہے۔
دوسری جانب بحرین میں فضائی حملے کے خطرے کے سائرن بجنے کے بعد شہریوں کو پرسکون رہنے اور محفوظ پناہ گاہوں میں جانے کی ہدایت کی گئی۔
خیال رہے کہ امریکہ نے آبنائے ہرمز میں تین تجارتی جہازوں کو نشانہ بنائے جانے کے بعد چند گھنٹے بعد ایران پر حملوں کا نیا سلسلہ شروع کیا ہے۔
خبر رساں ادارے اے پی کے مطابق اس نئی پیش رفت نے دونوں ممالک کے درمیان جنگ بندی کے عبوری معاہدے کو خطرے میں ڈال دیا ہے۔
