کریتی سینن کوبدترعورت کا خطاب

تیلگو فلم سے اپنے کیریئر کی شروعات کرنے والی 27 سالہ اداکارہ کریتی سینن نے ٹویٹر پر انیل کپور اور ارجن کپور کی فلم ”مبارکاں“ کے گانے’ ’ہوا ہوا“ پر رقص کی وڈیو شیئر کی۔ویڈیو کو ٹویٹ کرنے کے بعد اداکارہ کو جہاں عام افراد کی جانب سے تنقید اور تضحیک کا نشانہ بنایا گیا، وہیں خود انہیں بالی وڈکے لوگوں کی جانب سے بھی بدتر عورت جیسا خطاب دیا گیا۔کریتی سینن کی ٹویٹ پر سب سے پہلے بالی وڈ اداکار اور پروڈیوسر کمال راشد خان نے طنزیہ ٹویٹ کرتے ہوئے لکھاکہ یہ دیکھو کریتی بے چاری، اپنی فلم کے فلاپ ہونے کے بعد مینٹلی ڈسٹرب ہوگئی ہے۔اور تو اور ہیٹ اسٹوری تھری میں اداکاری کرنے والی بھیروامی گوسوامی نے بھی کریتی سینن کے خلاف ٹویٹ کرڈالی۔بھیروامی گوسوامی نے کہا کہ ان کی جانب سے اپنایا گیا طرز عمل ایک بدتر عورت جیسا ہے، یہ اداکارہ کیسے بن گئی؟ ان سے اچھا رویہ تو کالج کی طالبات کا ہوتا ہے ۔خیال رہے کہ اس سے پہلے پرینکا چوپڑا اور دیپکا پڈوکون جیسی بڑی اداکاراو¿ں کو بھی فیشن اور تصاویر کی وجہ سے تنقید اور تضحیک کا نشانہ بنایا جا چکا ہے ۔