بالی وڈ کے معروف اداکار نوازالدین صدیقی نے اپنی کتاب ' این آرڈنری لائف اے میمائر' کی اگلے ماہ رونمائی کرنے کا اعلان کردیا ہے۔ وہ پچھلے دو برس سے اس کتاب پر کام کررہے ہیں۔ نوازالدین صدیقی نے اپنی زندگی پرلکھی گئی اس کتاب میںجد و جہداور ایک عام شخص سے ایک بہترین اداکار تک کے سفر کی روداد تحریر کی ہے کہ کیسے ایک چھوٹے سے گاوں کا نوجوان ہندوستان کے شہر دہلی میں اداکاری کے فن میں اپنی قسمت آزمانے کے لئے تھیٹر کا رخ کرتا ہے۔ واضح رہے کہ حال ہی میں نواز کی نئی فلم ' بابوموشی بندوق باز 'ریلیز ہوئی ہے۔
