ہندوستانی ڈپٹی ہائی کمشنر کی طلبی،پاکستان کا احتجاج

اسلام آباد... پاکستان نے لائن آف کنٹرول کی مسلسل خلاف ورزی پر ہند سے پھر شدید احتجاج کیا ہے ۔ ہندوستانی ڈپٹی ہائی کمشنر کو دفتر خارجہ طلب کیا گیا۔دفتر خارجہ کی جانب سے جاری بیان کے مطابق ہندوستانی ڈپٹی ہائی کمشنر کو طلب کرکے احتجاجی مراسلہ دیا گیا جس میں کہا گیا کہ ہند کی جانب سے سیز فائر کی خلاف ورزی علاقائی امن و سلامتی کے لئے خطرہ ہے۔ پاکستان نے مطالبہ کیا کہ ہند 2003 میں میں ہونے والے جنگ بندی کے معاہدے کا احترام کرتے ہوئے اب تک ہونے والی خلاف ورزیوں کی تحقیقات کرے اور اپنی فوج کو سیز فائر کے احترام کا پابند بنائے۔ و اضح رہے کہ گزشتہ روز ایل او سی کے نکیال سیکٹر پر ہندوستانی فورسز کی بلااشتعال فائرنگ سے 2 بچے جاں بحق اور 4 زخمی ہوئے تھے۔ترجمان دفتر خارجہ کے مطابق 2017 میں اب تک ہند کی جانب سے 1100 سے زائد مرتبہ ایل او سی اور ورکنگ باو¿نڈری پر سیز فائر معاہدے کی خلاف ورزی کی جاچکی۔ 46 شہری جاں بحق اور 159 زخمی ہوچکے ۔ 2016 میں ہندنے سیزفائر کی 382 مرتبہ خلاف ورزی کی تھی۔