ہمارے ہاں سلور جوبلی والی فلم بھی نہیں بن پا رہی، ثنا
لالی وڈاداکارہ وماڈل ثنا نے کہا ہے کہ ہمارے ہاں فلمیں تو بن رہی ہیں لیکن تاحال کوئی فلمی ستارہ سلوراسکرین کے افق پر نہیں جگمگا سکا جس کے اسٹارڈم کے سب گن گاتے ہوں۔ لابی سسٹم کے تحت فنکارایک دوسرے کوسپورٹ کررہے ہیں لیکن پبلک کواپنی طرف متوجہ کرنا تاحال کسی فنکار کے بس کی بات نہیں ہو سکی۔ہمارے ہاں گولڈن توکیا سلور جوبلی منانے والی فلم بھی نہیں بن پا رہی ۔ثنا نے کہا کہ فنون لطیفہ میں عوام کے سب سے قریب میڈیم فلم ہی ہے۔ اگرنوجوان فلم میکرزعوام کوسینما گھروں تک لانا چاہتے ہیںتو انہیں اپنے کام کوبہتربنانے کے ساتھ ساتھ ایسے فنکاروںکو کام کا موقع دینا ہوگا، جوبڑے پردے پرجگمگانے کی بھرپورصلاحیت رکھتے ہوں۔
