سابق چیف جسٹس کے اہل خانہ پر فائرنگ کا مقدمہ درج

  راولپنڈی...سپریم کورٹ کے سابق چیف جسٹس سعید الزماں کے پلاٹ پر قبضے اور اہل خانہ پر فائرنگ کرنے والے ملزمان کے خلاف مقدمہ درج کرلیا گیا ۔ پولیس کے مطابق سابق چیف جسٹس کی اہلیہ ڈاکٹر اشرف سعید الزمان کی مدعیت میں ایف آئی آر درج کی گئی اقدام قتل ،پلاٹ پر قبضہ کرنے، حبس بیجا میں رکھنے، نقصان پہنچانے اور دیگر دفعات شامل ہیں عرفان اللہ کنڈی، عنایت اللہ اور3نامعلوم ملزمان کو نامزد کیا گیا ہے۔سابق چیف جسٹس کی اہلیہ کے مطابق ملزمان نے مری میں جوڈیشل ٹاو¿ن میں ان کے پلاٹ پر قبضہ کرلیا جبکہ عرفان اللہ کنڈی اور عنایت اللہ نے ان پر اور بیٹے پر کلاشنکوف سے سیدھی فائرنگ کی۔ عرفان اللہ کنڈی سمیت تمام روپوش ہوگئے ۔ پولیس نے عرفان اللہ کنڈی کے دو ملازموں کو حراست میں لے کر ایک گاڑی بھی تحویل میں لے لیا۔واضح رہے کہ سابق چیف جسٹس سعید الزماں صدیقی نے 1992ءمیں جوڈیشل ٹاو¿ن میں 600 گز کا پلاٹ خریدا تھا جس پر قبضہ کرلیا گیا ¾ سابق چیف جسٹس کے اہل خانہ گزشتہ روز اپنا پلاٹ وا گزار کرانے گئے تو قبضہ مافیا کے مسلح افراد نے ان پر فائرنگ کی، حبس بے جا میں رکھا اور دھمکیاں دیں۔