Sorry, you need to enable JavaScript to visit this website.

دبئی: پھولوں کے پارک کا افتتاح نومبر میں

دبئی میں میریکل پارک یکم نومبر جمعہ سے عوام کے لیے کھولا جا رہا ہے۔ اس پارک میں اصلی پھولوں کی انتہائی خوبصورت انداز میں نمائش کی گئی ہے۔ اسے دنیا کے سب سے بڑے قدرتی پھولوں کے باغ کا درجہ دیا گیا ہے۔
قدرتی پھولوں سے لدا آٹھویں سیزن کا یہ پارک آئندہ چھ ماہ تک عوام کے لیے کھلا رہے گا۔ 

اسے دنیا کے سب سے بڑے قدرتی پھولوں کے باغ کا درجہ دیا گیا ہے (فوٹو: گلف ٹوڈے)

گلف ٹوڈے کے مطابق یہ پارک دبئی لینڈ کے مرکز میں 72 ہزار مربع میٹر رقبے پر پھیلا ہوا ہے۔ 120 اقسام اور مختلف نوعیت کے 50 ملین سے زیادہ پھولوں سے سجائے گئے اس پارک میں سحر انگیز عجوبے آنے والوں کو خوشبودار ماحول فراہم کریں گے۔

عجوبہ باغ میں بہت سے تصورات کی عکاسی کی جا رہی ہے (فوٹو: گلف ٹوڈے)

دبئی میریکل گارڈن کو گنیز بک آف ورلڈ ریکارڈ میں چوتھی مرتبہ شامل کیا جائے گا۔
اس مرتبہ عجوبہ باغ میں بہت سے تصورات کی عکاسی کی جا رہی ہے جس میں خاص طور پر ایک خاتون کوتازہ پھولوں سے لاد دیا گیا ہے۔ بہت سے دیگر عجوبہ کے ساتھ ساتھ امارات ائیرلائن کے طیارے کو بھی پھولوں میں لپیٹ دیا گیا ہے۔

جدید ٹیکنالوجی کی مدد بھی حاصل کی گئی ہے (فوٹو: گلف ٹوڈے)

بچوں کی تفریح کے لیے مکی ماﺅس کے 18 میٹر قامت کے مجسمے بھی پھولوں سے لادے گئے ہیں۔
عقل کو دنگ کر دینے والے اس پارک کی انتظامیہ نے حیرت انگیز نظارے تخلیق کیے ہیں۔ پھولوں کی اس دیدہ زیب دنیا میں آنے والوں کے لیے ایک جدید ٹیکنالوجی کی مدد بھی حاصل کی گئی ہے جو نظاروں کو چار چاند لگا دے گی۔

 پارک میں داخلہ کا ٹکٹ 55درھم رکھا گیا ہے (فوٹو: گلف ٹوڈے)

 اس عجوبہ پارک کو یکم نومبر 2019ء سے عوام کے لیے روزانہ صبح 9 بجے سے رات 9 بجے تک کھولا جائے گا جبکہ جمعہ اور ہفتہ کے روز رات 11 بجے تک کھلا رہے گا۔

سحر انگیز عجوبے آنے والوں کو خوشبودار ماحول فراہم کریں گے (فوٹو: گلف ٹوڈے)

پارک میں داخلہ کا ٹکٹ 55 درھم رکھا گیا ہے، 12 سال تک کے بچوں کے لیے 40 درھم کا داخلہ ٹکٹ ہے جبکہ 3 سال تک عمر کے بچوں کے لیے داخلہ مفت ہو گا۔
  • امارات کی خبروں کے لیے واٹس ایپ گروپ جوائن کریں

شیئر: