Sorry, you need to enable JavaScript to visit this website.

الملز جیل میں آگ لگنے سے 3 قیدی ہلاک

تمام تر تدابیر کے باوجود آتشزدگی سے 3 قیدی ہلاک جبکہ اسی وارڈ کے 21 قیدی زخمی ہوئے (فوٹو: سبق)
ریاض کی الملز جیل میں آگ لگنے سے 3 قیدی ہلاک جبکہ 21 زخمی ہوگئے ہیں۔
سبق ویب سائٹ کے مطابق محکمہ جیل خانہ جات کے ترجمان نے کہا ہے کہ الملز جیل میں آگ آج جمعرات کی صبح 5 بجے لگی تھی۔
  • باخبر رہیں، واٹس ایپ گروپ جوائن کریں

انہوں نے کہا ہے کہ ’آتشزدگی جیل کے وارڈ نمبر 7 میں ہوئی جس کی اطلاع ملتے ہی امدادی ٹیمیں وہاں پہنچ گئیں اور قیدیوں کو محفوظ جگہ منتقل کرنا شروع کردیا‘۔

آگ بجھانے والی ٹیموں نے آگ پر قابو پالیا اور دوسرے حصوں میں پھیلنے سے روک دیا

ترجمان نے کہا ہے کہ ’آگ لگنے کے باعث جو قیدی زخمی ہوئے انہیں ہسپتال منتقل کردیا گیا جہاں انہیں مناسب طبی امداد فراہم کی گئی ہے‘۔
انہوں نے بتایا ہے کہ ’آگ بجھانے والی ٹیموں کی کوشش سے آگ پر قابو پالیا گیا اور اسے جیل کے دیگر حصوں میں پھیلنے سے روک دیا گیا تاہم تمام تر تدابیر کے باوجود واقعے کی وجہ سے 3 قیدی ہلاک ہوگئے جبکہ اسی وارڈ کے 21 قیدی زخمی ہوئے ہیں‘۔
انہوں نے کہا ہے کہ ’واقعہ کے اسباب معلوم کرنے کے لیے تفتیشی ٹیموں نے کام کا آغاز کر دیا ہے جبکہ بہت جلد کارروائی کو آگے بڑھایا جائے گا‘۔
 

شیئر: