Sorry, you need to enable JavaScript to visit this website.

مشرق وسطیٰ سمٹ سعودی عرب میں ہوگا

ماضی میں اس فورم کی میزبانی مصر، اردن اور متحدہ عرب امارات کر چکے ہیں۔ فوٹو: اے ایف پی
سوئٹزرلینڈ کے شہر ڈیووس میں اعلان کیا گیا ہے کہ ورلڈ اکنامک فورم کا مشرق وسطیٰ سمٹ پہلی مرتبہ سعودی عرب میں منعقد ہوگا جس میں دنیا بھر سے رہنما شرکت کریں گے۔
جمعرات کو ورلڈ اکنامک فورم کے صدر بورگ برینڈے نے مندوبین کو بتایا کہ ’اگلا مشرق وسطیٰ سمٹ سعودی عرب میں پانچ سے چھ اپریل کو اس سال منعقد ہوگا۔

 

ورلڈ اکنامک فورم کی ویب سائٹ کے مطابق اس سمٹ کا موضوع ’چوتھے صنعتی انقلاب میں اس خطے کا مقام‘ ہوگا۔
ماضی میں مشرق وسطیٰ ورلڈ اکنامک فورم کی میزبانی مصر، اردن اور متحدہ عرب امارات کر چکے ہیں۔
یہ اعلان ڈیووس میں ایک خصوصی اجلاس میں کیا گیا جہاں سعودی عرب کی سٹریٹیجک ترجیحات کو مدنظر رکھا گیا تھا۔

یہ پہلا موقع ہوگا جب مشرق وسطیٰ عالمی طاقتوں کی میزبانی کرے گا۔ فوٹو: اے ایف پی

 خیال رہے کہ نومبر میں عالمی رہنماؤں کا جی 20 اجلاس بھی سعودی عرب میں منعقد ہوا رہا ہے۔ یہ پہلا موقع ہوگا جب مشرق وسطیٰ عالمی طاقتوں کی میزبانی کرے گا۔

شیئر: