بوٹس سے سمندر کی سیر کے ضوابط

محکمہ کوسٹ گارڈز نے کرفیو میں وقفے کے دوران سمندر کی سیرکے ضوابط جاری کیے ہیں جن پر عمل درآمد اتوار 8 شوال بمطابق 31 مئی سے ہوگا-

کوسٹ گارڈز نے تاکید کی ہے کہ جو شہری یا غیرملکی کرفیومیں وقفے کے دوران سمندر کی سیر کرنا چاہتے ہیں انہیں مندرجہ ذیل  ضوابط کی پابندی کرنا ہوگی-

دس میٹر والی پلیزر بوٹ پر بوٹ  کیپٹن کے علاوہ زیادہ سے زیادہ دو افراد سوار ہوسکتے ہیں-

پندرہ برس سے کم عمر کے لڑکوں اور لڑکیوں کو بوٹس سے سیر کی اجازت نہیں ہوگی-

بوٹ کمانڈر کی ذمہ داری ہے کہ وہ بوٹ پرموجود تمام افراد کو حفاظتی ماسک اور سینیٹائزر فراہم کرے- کارکنان کو بھی یہ سہولت مہیا کرنا ہوگی-

 انتظامیہ کی یہ  ذمہ داری ہے کہ بوٹ پر موجود تمام افراد کے درمیان سماجی فاصلہ قائم کرائے اور کسی کو دوسرے سے مصافحہ نہ کرنے دے-

سمندر کی سیر پر نکلنے سے قبل بوٹ کے ہر حصے کی صفائی اور اسے سینیٹائز کرنا ہوگا- سفر سے 10 منٹ قبل پلیٹ فارم پر پہنچیں گے- پلیٹ فارم پر صرف وہی لوگ جا سکتے ہیں جنہیں سیر پر جانا ہو-

بوٹ  کیپٹن کسی بھی شخص میں کورونا کی علامتیں دیکھتے ہی کوسٹ گارڈ سینٹر کو مطلع کرے گا۔