حج سکیورٹی سپیشل فورس کے کمانڈر میجر جنرل محمد الاحمدی نے کہا ہے کہ مسجد الحرام میں عمرے اور عام نمازیوں کی آمد پر پابندی برقرار ہے۔ آئندہ ایام میں بھی پابندی پر عمل درآمد کرایا جائے گا۔
عاجل ویب سائٹ کے مطابق میجر جنرل محمد الاحمدی سے پریس کانفرنس میں سوال کیا گیا تھا کہ کیا وقوفہ عرفہ کے دن مسجد الحرام میں افطار کی اجازت ہوگی؟
مزید پڑھیں
-
محفوظ حج کے لیے جامع منصوبہ تیار کرلیا ہے: وزیر حجNode ID: 493696
-
حج کے دوران باب الملک عبدالعزیز کھولنے کا فیصلہNode ID: 493821
-
حج مقامات کی مساجد سینیٹائز ، انتظامات مکملNode ID: 493851
حج سکیورٹی سپیشل فورس کے کمانڈر نے کہا ہے کہ مکہ اور مدینہ کے باشندے نو ذی الحجہ کا روزہ رکھتے ہیں اور وہ مغرب کی نماز مسجد الحرام یا مسجد نبوی میں ادا کرتے ہیں اور وہیں افطار کا بھی اہتمام کیا جاتا ہے۔
9 ذو الحجہ (وقوف عرفہ) کے دن دونوں مقدس مساجد کی خواتین بڑی تعداد میں جمع ہوتی رہی ہیں۔
حج سکیورٹی سپیشل فورس کے کمانڈر نے مزید کہا کہ اس سال صورتحال مختلف ہے۔ کورونا وائرس کی وجہ سے عمرے اور عام نمازیوں کی آمد پر پابندی تھی، ہے اور رہے گی۔
واضح رہے کہ اہل مکہ وقوف عرفہ کے دن کو عام زبان میں (یوم الخلیف) کہتے ہیں۔ اس دن مکہ کے خاندان مسجد الحرام پہنچ جاتے ہیں۔ وقوف عرفہ کے دن حاجی میدان عرفات میں ہوتے ہیں۔ مقدس شہر کی سڑکیں خالی نظر آتی ہیں۔
یاد رہے کہ حج کی وجہ سے کسی بھی ایسے سعودی شہری یا مقیم غیرملکی کو جس کے پاس حج اجازت نامہ نہیں ہوتا اسے وقوف عرفہ کے دن مکہ مکرمہ جانے نہیں دیا جاتا جبکہ اجازت نامہ رکھنے والے 9 ذی الحجہ کو مکہ اس لیے نہیں جاتے کیونکہ انہیں حج کا رکن اعظم ادا کرنے کے لیے میدان عرفات میں حاضر ہونا ضروری ہوتا ہے۔