پلاسٹک سرجری کرنے والی جعلی ڈاکٹر گرفتار 

 سعودی عرب میں کے شہر حائل میں محکمہ صحت نے کہا ہے کہ پرائیویٹ میڈیکل سینٹر سے ایک جعلی عرب ڈاکٹر خاتون کو گرفتار کیا گیا ہے ۔ پلاسٹک سرجری میں کسی ڈگری کے بغیر آپریشن کر رہی تھی۔  

المرصد ویب سائٹ کے مطابق عرب خاتون پلاسٹک سرجری  ایک عرصے سے کر رہی تھی جو راتوں رات دولت مند بننے اور دوسری جانب خوبصورت بننے کے  جنون کا نتیجہ ہے۔ 

محکمہ صحت حائل نے ٹوئٹر کے اپنے اکاؤنٹ پر بیان میں عرب خاتون کی شہریت نہیں بتائی البتہ کہا ہے کہ وہ پلاسٹک سرجری کا کام کسی مستند ڈگری کے بغیر انجام دے رہی تھی۔

محکمہ صحت نےعرب خاتون کے خلاف قانونی کارروائی کے لیے اس کی فائل متعلقہ ادارے کے حوالے کر دی ہے جو پوچھ گچھ مکمل کرکے اس کے خلاف مقررہ سزا کا فیصلہ کرے گا۔

خود کو اپ ڈیٹ رکھیں، واٹس ایپ گروپ جوائن کریں