ریاض: چوری اور راہگیروں کو لوٹنے میں ملوث تین غیرملکی گرفتار

ریاض پولیس نے راہگیروں اور لیموزین کے ڈرائیوروں کو اسلحہ کے  بل پر لوٹنے والے تین مقیم غیرملکیوں کو گرفتار کرلیا-

تینوں غیر قانونی طور پر مملکت میں رہ رہے تھے اور متعدد جرائم میں ملوث پائے گئے-

اخبار  24 کے مطابق ریاض پولیس کے معاون ترجمان خالد الکریدیس نے بتایا کہ  لوٹ مار کرنے والوں میں سے دو کا تعلق سوڈان اور ایک کا افریقی ملک چاڈ سے ہے-

الکریدیس نے بتایا کہ لوٹ مار کرنے والے گاڑیاں چوری کرکے ان سے وارداتیں کیا کرتے تھے- ’مسروقہ گاڑیاں برآمد کرکے مالکان کے  حوالے  کردی گئیں-‘

خالد الکریدیس نے بتایا کہ ان کے قبضے سے  45 ہزار ریال ضبط کیے گئے اور قانونی کارروائی کے لیے انہیں پبلک پراسیکیوشن کے حوالے کردیا گیا-

خود کو اپ ڈیٹ رکھیں، واٹس ایپ گروپ جوائن کریں