دنیا کے 10 کمزور ترین پاسپورٹس

گلف بزنس کے مطابق اماراتی پاسپورٹ 2020 میں دنیا کا سب سے مضبوط پاسپورٹ رہا، یہ درجہ بندی پاسپورٹ انڈیکس کے ذریعے دی گئی ہے، جو وقتاً فوقتاً پاسپورٹس کی درجہ بندی کرتا ہے۔

متحدہ عرب امارات کا پاسپورٹ گذشتہ دہائی کے دوران مختلف 47 درجوں پر رہا، جو 18 ویں نمبر پر تھا، اس سے سال پچھلے سال 22 درجے سے چار مقامات کا اضافہ ہوا ہے، اور اس وقت یہ دنیا بھر میں 171 مقامات پر ویزہ فری سروس کی سہولت فراہم کرتا ہے۔

یہ انڈیکس جو انٹرنیشنل ایئر ٹرانسپورٹ ایسوسی ایشن (آئی اے ٹی اے) کے خصوصی اعداد و شمار پر مبنی ہے۔ یہ ایک ایسے موقع پر آیا ہے جب کووڈ-19 کے وبائی امراض کی وجہ سے عالمی سفر تقریباً موقوف ہے۔

ہینلی اینڈ پارٹنرز کے چیئرمین کرسچن ایچ کیلن کے مطابق 'اس طرح کی بے مثال عالمی صحت کی ہنگامی صورت حال میں ایسے پاسپورٹ کی نسبتاً طاقت وقتی طور پر بے معنی ہوجاتی ہے۔'

سوئس شہری دنیا کے 185 ممالک کا بغیر کسی پیشگی ویزے کے سفر کرسکتا ہے، لیکن گذشتہ چند ہفتوں سے یہ واضح ہوچکا ہے کہ سفر کی آزادی ان عوامل پر منحصر ہے جو کبھی کبھی مکمل طور پر ہمارے قابو سے باہر ہوتے ہیں۔

 یہ واقعی ایک ایسی چیز ہے جس کے بارے میں کمزور پاسپورٹ رکھنے والے ممالک کے تمام شہری انڈیکس کے نچلے درجے پر جانے جاتے ہیں۔ یہ دیکھتے ہوئے کہ عوامی صحت اور سلامتی کے خدشات اب کسی بھی چیز پر حق بجانب ہیں۔ یہاں تک کہ سرحد کے بغیر یورپی یونین کے اندر بھی۔ اب یہ سوچنے کا موقع ہے کہ شہریت کی آزادی کا بنیادی طور پر کیا معنی ہے خصوصاً ان لوگوں کے لیے جو ماضی میں اسے غیر ضروری چیز تصور کرتے رہے ہیں۔

جاپان ایک بار پھر پہلے نمبر پر ہے۔ جہاں اس کے شہری 191 مقامات پر جانے کے لیے ویزہ فری رسائی سے لطف اندوز ہوتے ہیں، سنگاپور دوسرے نمبر پر ہے جہاں سے دنیا بھر میں 190 مقامات تک رسائی حاصل ہوتی ہے۔

خلیج تعاون کونسل کویت اور قطر کے ممالک میں، یہ 95 ویزہ فری داخلے کے ساتھ عالمی سطح پر 57 ویں نمبر پر ہے۔ اس کے بعد امارات کا نمبر ہے، جبکہ بحرین 64، عمان نے 65 اور سعودی عرب 67 ویں نمبر پر ہے جو پچھلے سال 70 ویں نمبر پر تھا۔

تاہم کورونا وائرس کی وجہ سے سخت سفری پابندیوں اور لاک ڈاؤن کے سبب  پوری دنیا میں غیر ضروری سفر پر سختی سے پابندی ہے۔

کمزور ترین پاسپورٹ:

اقوام متحدہ کے 193 ممبر ممالک کے پاسپورٹ انڈیکس کی درجہ بندی کے مطابق آٹھ ممالک کے پاسپورٹ سال 2020 کے لیے دنیا کے 10 سب سے کمزور پاسپورٹس کی درجہ بندی میں آخری صف میں شامل تھے۔ 

'پاسپورٹ انڈیکس' کی درجہ بندی ان ممالک کی تعداد کے مطابق کی گئی ہے جو پاسپورٹ کو بغیر ویزہ داخل ہونے یا آنے پر ویزہ حاصل کرنے کی اجازت دیتے ہیں۔

 عراقی پاسپورٹ کے حامل افراد صرف چار ممالک میں ویزہ کے بغیر سفر کر سکتے ہیں، عراقی پاسپورٹ اس فہرست میں سب سے آخر میں ہے۔ اس پاسپورٹ کے ساتھ 27 ممالک میں پہنچتے وقت جبکہ 167 ممالک میں پہلے سے ویزہ لینا لازمی ہے۔

افغانستان دنیا کے کمزور ترین پاسپورٹ کے طور پر دوسرے نمبر پر، شام کا تیسرا، صومالیہ کا چوتھا، یمن کا پانچواں، ایران کا چھٹا، فلسطین کا ساتواں نمبر ہے جبکہ پاکستانی پاسپورٹ آٹھویں نمبر پر ہے۔ نویں نمبر پر شمالی کوریا کا پاسپورٹ جبکہ میانمار کا پاسپورٹ دسویں نمبر پر ہے۔

 ویب سائٹ کے مطابق کورونا وائرس نے بہت سے عالمی پاسپورٹس کی درجہ بندی کو متاثر کیا ہے اور کچھ پاسپورٹس پچھلے سال کے مقابلے میں مزید نیچے آگئے۔