خمیس مشیط پر حوثیوں کا بیلسٹک میزائل حملہ ناکام

عرب اتحاد برائے یمن  نے کہا ہے کہ ایران کے حمایت یافتہ حوثی دہشتگردوں نے خمیس مشیط پر جمعرات کو بیلسٹک میزائل سے حملے کی کوشش کی تھی- جسے ہدف تک پہنچنے سے قبل ہی تباہ کردیا گیا-

الاخباریہ اور الوطن کے مطابق عرب اتحاد  کے ترجمان ترکی المالکی نے کہا ہے کہ حوثی دہشتگرد شہریوں اور سول تنصیبات کو نقصان پہنچانے کے لیے مسلسل منصوبہ بند طریقے سے جان بوجھ کر دہشتگردانہ حملے کررہے ہیں-

عرب اتحاد برائے یمن نے خبرادار کہا ہے کہ دہشت گردانہ کارروائیوں کی منصوبہ بندی اور اسے نافذ کرنے والوں کا کڑا  احتساب کیا جائے گا-

یاد رہے کہ حوثیوں  نے آج صبح خمیس مشیط پر بارودی ڈرون سے حملے کی کوشش کی تھی جسے ہدف  تک پہنچنے سے قبل ہی گرا کر تباہ کردیا گیا تھا-

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں