مملکت میں کل کا موسم کیسا رہےگا؟

سعودی عرب میں موسمیات کے قومی مرکز نے توقع ظاہر کی ہے کہ کل جمعہ 4 جون 2021 کو متعدد علاقوں میں مطلع جزوی طور پر ابر آلود رہے گا جبکہ گرج چمک کے ساتھ بارش کا بھی امکان ہے-  

اخبار  24 کے مطابق قومی مرکز کا کہنا ہے کہ  حائل ریجن کے بعض مقامات، مدینہ منورہ اور مکہ مکرمہ کے بالائی علاقوں میں مطلع ابر آلود رہے گا- علاوہ ازیں الشرقیہ اور ریاض ریجنوں میں کئی مقامات پر تیز ہوائیں چلتی رہیں گی- 

موسمیات کے مرکز کا کہنا ہے کہ کل مملکت میں سب سے زیادہ درجہ حرارت مشرقی ریجن کی کمشنری الاحسا میں  47 سینٹی گریڈ ہوگا- جبکہ سب سے کم درجہ حرارت 12 سینٹی گریڈ السودۃ میں  ہوگا-